ఆంధ్రప్రదేశ్ తెలంగాణను కలుపుతున్న 65 జాతీయ రహదారి మాదిరిగానే మరో రోడ్డు నిర్మాణానికి కేంద్రం అంగీకరించింది. అయితే దీన్ని ఫోర్త్ సిటీతో అనుసంధానించాలని రేవంత్ సర్కారు ఆలోచిస్తోంది.

Amaravati: ఆంధ్రప్రదేశ్‌ తెలంగాణను అనుసంధానిస్తూ మరో రహదారి నిర్మాణానికి కనెక్టివిటీని మరింత సులభతరం చేసే పనిలో కేంద్రం ఉంది. కొత్తగా నిర్మిస్తున్న ఫోర్త్ సిటీ నుంచి అమరావతికి నేరుగా వెళ్లేలా జాతీయ రహదారి నిర్మాణానికి గ్రీన్‌సిగ్నల్ వచ్చినట్టు సమాచారం. ఈ రహదారితోపాటు డ్రైపోర్టు పోర్టు కోసం ప్రత్యేకంగా రైలు మార్గానికి కూడా ప్రతిపాదనలు సిద్ధం చేసింది.

ఆంధ్రప్రదేశ్‌ రాజధాని అమరావతికి తెలంగాణ రాజధానికి మధ్య మరో జాతీయ రహదారి రానుంది. ఇప్పటికే ఉన్న విజయవాడ, హైదరాబాద్‌హైవేను విస్తరిస్తున్నారు. ఈ పనులు సాగుతున్న టైంలోనే కేంద్రం మరో గుడ్ న్యూస్ చెప్పింది. హైదరాబాద్‌లో కొత్త నిర్మించబోతున్న ఫోర్త్ సిటీకి, అమరావతికి అనుసంధానించేలా రహదారి నిర్మాణం జరగనుంది.

ఆంధ్రప్రదేశ్‌ విభజన చట్టంలో అపరిష్కృతంగా ఉన్న పనులపై ఈ మధ్య కాలంలో ఇరు రాష్ట్రాల సీఎస్‌లతో కేంద్రం చర్చలు జరిపింది. కేంద్ర హోంశాఖ జరిపిన చర్చల సందర్భంగా కీల విషయాలపై సుదీర్ఘంగా చర్చ జరిగి గ్రీన్‌సిగ్నల్ వచ్చింది. అందులో ఒకటి హైదరాబాద్, అమరావతి మధ్య జాతీయ రహదారి.

హైదరాబాద్‌ను ఆంధ్రప్రదేశ్‌తో కలుపుతు 65వ నెంబర్ జాతీయ రహదారి ఉంది. దీని విస్తరణ పనులు చాలా వేగంగా సాగుతున్నాయి. దానికి సమాంతరంగానే కాస్త దూరంలో అమరావతి, హైదరాబాద్‌ను కలుపుతూ జాతీయ రహదారి నిర్మాణానికి అంగీకరించారు. డీపీఆర్ తయారికి కూడా కేంద్రం ఆదేశాలు జారీ చేసింది.

కొత్త నిర్మించబోయే జాతీయ రహదారి మాత్రం ఫోర్త్‌ సిటీని అమరావతిని కలిపితే ఎలా ఉంటుందని తెలంగాణ ప్రభుత్వం కొత్త ప్రతిపాదనచేస్తోంది. ఇప్పటికే హైదరాబాద్‌ విజయవాడ మధ్య రహదారి ఉన్నందున కొత్తగా నిర్మితమవుతున్న రెండు సిటీల మధ్య నిర్మాణం చేపట్టాలని భావిస్తోంది. ఇదే విషయాన్ని ఆంధ్రప్రదేశ్ ప్రభుత్వానికి చెప్పింది. ఇంకా అక్కడి నుంచి రిప్లై రాలేదు. దాని కోసం తెలంగాణ ప్రభుత్వం ఎదురు చూస్తోంది.

సాధ్యాసాధ్యాలను పరిశీలించి సర్వే చేయాలంటూ రాష్ట్ర విమానాశ్రయాల అభివృద్ధి సంస్థ ఇటీవల ఓ ప్రకటన జారీ చేసింది. సాంకేతిక, ఆర్థిక సాధ్యతపై రిపోర్టు తయారు చేసేందుకు అర్హత పొందిన సంస్థల నుంచి ఈ నెల 29వ తేదీ వరకు ఆన్‌లైన్‌లో బిడ్‌ల దాఖలుకు గడువు నిర్దేశించింది.

ఆగస్టు 4వ తేదీన బిడ్‌లను తెరవనున్నారు. అలా బిడ్‌ దక్కించుకున్న సంస్థ సాంకేతికంగా ఆర్థికంగా సాధ్యాసాధ్యాలను క్షేత్రస్థాయిలో పర్యటించి, సర్వే చేసి వివరాలను రాష్ట్ర విమానాశ్రయాల అభివృద్ధి సంస్థకు రిపోర్టు రూపంలో అందివనున్నారు. తర్వాత రిపోర్టును బట్టి ఎన్ని ఎకరాలు? ఎంత ఖర్చుతో నిర్మించాలో అధికారులు నిర్ణయానికి రానున్నారు.

నాగార్జునసాగర్‌ నిర్మాణం సందర్భంగా అప్పటి ప్రధానులు నెహ్రూ, ఇందిరాగాంధీ ఇతర ప్రముఖుల రాక కోసం చిన్నపాటి విమానాశ్రయం (Airdrome) అక్కడ నిర్మించారు. 1966లో నాగార్జునసాగర్‌ ప్రాజెక్టు ప్రారంభం తర్వాత దీనిని పట్టించుకోకపోవడంతో విమానాశ్రయం నిరాదరణకు గురైంది. 2010 నుంచి ఫ్లైటెక్‌ అనే ప్రైవేటు సంస్థ ఈ విమానాశ్రయాన్ని పైలెట్‌ ట్రైనింగ్ కోసం లీజుకు తీసుకుంది. ప్రస్తుతం ఇక్కడ చిన్నపాటి విమానాలు దిగేందుకు అనుకూలంగా రన్‌వే ఉంది. ప్రైవేటు పైలెట్‌లు ట్రైనింగ్ తీసుకుంటున్నారు.

ఎప్పటి నుంచో పరిశీలనలు: నాగార్జునసాగర్​ వద్ద ఇప్పుడున్న విమానాశ్రయం 80 ఎకరాల్లో విస్తరించి ఉంది. గతంలో సైతం విస్తరణ కోసం అవకాశాలను పరిశీలించేందుకు దిల్లీ నుంచి విమానాశ్రయ అధికారులు వచ్చి పరిశీలించి వెళ్లారు. చింతలతండా, సుబ్బారెడ్డి పాలెం, బ్రహ్మానందపురం తండా, నాగులవరం గ్రామం పరిధిలోని భూములు సేకరించాలని అనుకున్నారు. అయితే తరువాత ఇది కార్యరూపం దాల్చలేదు. అయితే ఈసారి మాత్రం నాగులవరంలో మాత్రమే భూముల సేకరించాలని భావిస్తున్నారు.

పల్నాడు రూపురేఖలు మారేలా: నాగార్జునసాగర్‌ ఇప్పటికే అంతర్జాతీయ పర్యాటక కేంద్రంగా పేరుగాంచింది. రాష్ట్ర విభజన తర్వాత మాత్రం నాగార్జునసాగర్ అభివృద్ధిలో వెనుకబడింది. నాగార్జునసాగర్‌ ప్రాజెక్టు, కొండ, అనుపురేవు, ఎత్తిపోతల జలపాతం ఇవన్నీ చుట్టపక్కలే 15 కిలోమీటర్ల లోపే ఉండటంతో పర్యాటక అభివృద్ధికి ఇది సానుకూలమైన అంశం.

దీనికితోడు కొత్తగా నాగార్జునసాగర్ వద్ద విమానాశ్రయం వస్తే పల్నాడు జిల్లా రూపురేఖలు మారిపోతాయి. మాచర్ల, రెంటచింతల, వెల్దుర్తి మండలాల్లో ఫ్యాక్షన్‌ గొడవలు ఇప్పటికీ నడుస్తున్నాయి. దీంతో సరైన ఉపాధి అవకాశాలు లేకపోవడంతో యువత సైతం వలసబాట పడుతున్నారు. అదే విధంగా యువత గొడవల్లో తలదూర్చడం జరుగుతోంది. నాగార్జునసాగర్‌ పర్యాటకానికి కేంద్ర ప్రభుత్వం కూడా 25 కోట్ల రూపాయలు మంజూరు చేసిన సంగతి తెలిసిందే. ఇవన్నీ పట్టాలెక్కి, పూర్తి అయితే మాచర్ల యువతకు ఉపాధి అవకాశాలు పెరుగుతాయి.